O cruaulté de impetueuses vagues,
Mer variable, où toute crainte abonde,
Cause mouvant, dont trop cruelles dagues
L'ont faict perir de mort tant furibunde.
Si hault desir de congnoistre le Monde
T'avoit transmis si gentil personnaige,
Las falloit il, qu'en la fleur de son aage
Par devers toy si rudement le prinses,
Sans plus revoir la court des nobles Princes,
Où tant il est a present regretté?
O Mer amere aux mordantes espinces:
Certainement ce qu'arrestes, et pinces,
Au gré de tous est trop bien arresté.