Italie, Romanie, Naples, Sicile, demoureront où elles estoient l'an passé. Ilz songeront bien profundement vers la fin du karesme, et resveront quelquesfoys vers le hault du iour.
Allemaigne, Souisses, Saxe, Strasbourg, Anvers etc. profiteront s'ilz ne faillent: les porteurs de rogatons les doibvent redoubter, & ceste année ne se y fonderont pas beaucoup de anniversaires.