Temps de lecture
1
min
poésie 174LECTURES

À Fortune

Fortune helas muable, et desreiglée,
Qui du palud de Malheur viens, et sors,
Bien as monstré que tu es avveuglée,
D'avoir getté sur luy tes rudes sortz:
Car si tes yeux de inimité consors
Eusses ouvers, pour bien appercevoir
Les grands vertus, qu'on luy a veu avoir,
Pitié t'eust meue à le retenir seur:
Mais tu ne veulx de toymesme rien veoir,
Pour aux humains faire mieulx assavoir,
Que plus te plaist cruaulté, que doulceur.