Temps de lecture
1
min
poésie 50LECTURES

Se vous me faites tel grief

Se vous me donnez congié
Par conseil de mesdisans,
Dame que servie j'é
Par l'espace de dix ans,
Au lit me mettrez gisans :
N'oncques ne m'amastes brief,
Se vous me faites tel grief.

N'ay desservi qu'estrangié
Soye, mon devoir faisans,
Et se je suis deslogié
Pour aultre moins souffisans,
Qui a vous soit plus plaisans,
Sur lui vendra le meschief,
Se vous me faittes tel grief.

Vo cuer est vers moy changié ;
Car tousdis par moz cuisans
Je suis de vous laidengié,
Com je fusse un païsans ;
Mais je croy que mes nuisans
Leur part aront du relief,
Se vous me faittes tel grief.