Par Dieu, c'est grant grace

1 min
77
lectures
0

Christine de Pizan gagna sa vie en écrivant : elle fut la première femme à vivre de sa plume. Son chef-d'œuvre, La Cité des Dames illustres, est une allégorie où différentes figures  [+]

Le gracieux souvenir,
Qui de vous me vient,
Me fait gaiement tenir.
Et il appertient,
Car tout adés me souvient
Comment vostre bonté passe
Tous autres, chascun le tient,
Par Dieu, c'est grant grace.

Joye doy bien maintenir,
Quant si bien m'avient,
Qu'amours mon cuer retenir,
Dont plus lié devient,
Vous a fait a qui avient
Bien et bel en toute place
Faire quanque honneur contient,
Par Dieu, c'est grant grace.

Ne mal ne me peut venir ;
Car mon cuer maintient
Qu'a joye puis avenir,
Par vous qui retient
Pense, dit, fait et detient
Tout bien, et tout mal efface
La bonté qui vous soustient,
Par Dieu, c'est grant grace.
0
0